Аймақ
Ерікті жастар қарттарды құттықтады.
«Қарты бар ел – қазыналы ел» демекші, үлкенге құрмет көрсету, өмірлік тәжірибелері мен ақыл-кеңестері, тәлім-тәрбиесі бүгінгі ұрпаққа үлгі болатын қарияларымызды сыйлау, ізеттілік таныту – ата-бабаларымыздан келе жатқан салтымыз. Қарттарын қадірлеген қазақ халқы үшін де күнтізбедегі 1 қазан – Қарттар күні деп белгіленген.
Осы орайда «Жас Отан» Жастар қанатымен бірлесе «Қарттарым – асыл қазынам» атты акция өткізілді. Акция аясында Ерікті жастар ауданымыздағы жалғызілікті қарттар, Ұлы Отан соғысы және тыл ардагерлерінің шаңырағында болып, мерекемен құттықтады. Сыйлықтар табыстап, қолғабыс көрсетіп, баталарын алды.
