Доллардың орташа бағамы 496 теңге

Қазақстан қор биржасында (KASE) 13 ақпанда сағат 17:00-дегі доллардың орташа бағамы 495,73 теңге болды. 12 ақпанда сағат 17:00-дегі деректермен салыстырғанда (1 доллар – 494,51 теңге) ұлттық валюта долларға қатысты 1,22 теңгеге әлсіреді, деп хабарлайды saraptime.kz

Сауда аптасында ұлттық валюта 1,25 теңгеге әлсіреді. 9 ақпан дүйсенбіде сағат 15:30-дегі орташа салмақталған курс 1 доллар – 494,75 теңге болса, 13 ақпан жұма күні – 496 теңге болды.

KASE мәліметтері бойынша, сауда барысында доллардың ең төменгі бағамы – 494,20 теңге, ең жоғарғысы – 497,20 теңге, жабылу бағамы – 494,86 теңге болды. АҚШ валютасы бойынша сауда көлемі – 311 млн 504 мың доллар, ал валюталық операциялар саны – 757 келісім.

Айта кетелік, kurs.kz деректері бойынша, елордадағы айырбастау пунктерінде долларды сату бойынша ең жоғарғы курс сағат 17:19-дa 501 теңге, ал Алматыда – 500 теңге болды.