Ауғанстан бейбіт тұрғындар арасындағы қаза тапқандар саны белгілі болды

Ауғанстан мен Пәкістан даулы шекарадағы қақтығыстың ушығуынан кейін бір-біріне соққы берді. Кабулда бейбіт тұрғындар арасындағы қаза тапқандар мен зардап шеккендер саны жарияланды, – деп хабарлайды saraptime.kz

Талибан үкіметінің баспасөз хатшысының орынбасары Хамдулла Фитраттың айтуынша, Пәкістанның Хост және Пактика провинциялары аумағына жасаған соққылары салдарынан кем дегенде 19 тұрғын қаза тапқан. Тағы 26 адам жарақат алған.

Ауғанстан өкілінің айтуынша, соққылар бейбіт тұрғындар шоғырланған жерлерге әдейі жасалған. Қаза тапқандар мен зардап шеккендердің басым бөлігі – әйелдер мен балалар.