Қадір түнін қалай өткізу керек?

Мұсылман қауымы үшін ең қасиетті түндердің бірі – Қадір түні. Бұл түн Құран аяттарында «мың айдан да қайырлы» деп сипатталады. Сондықтан бұл түнді мүміндер ерекше құлшылықпен өткізуге тырысады,— деп хабарлайды saraptime.kz

Қадір түнінде қандай амалдар жасау керек?

Намаз оқу

Бұл түнде мұсылмандар қосымша намаздар оқып, Алладан кешірім сұрайды. Әсіресе түнгі құлшылық – ең сауапты амалдардың бірі.

Құран оқу

Қадір түні Құран түсе бастаған түн болып есептеледі. Сондықтан бұл түнде қасиетті кітапты оқу немесе тыңдау үлкен сауап әкеледі.

Дұға жасау

Бұл түн – тілектер қабыл болатын ерекше уақыт. Адамдар өзіне, отбасына және бүкіл адамзатқа жақсылық тілеп дұға жасайды.

Тәубе ету

Көпшілік ғалымдардың айтуынша, Қадір түні – күнәлардан кешірім сұрауға ең қолайлы уақыттардың бірі.

Садақа беру

Мұқтаж жандарға көмектесу, қайырымдылық жасау да бұл түндегі игі амалдардың қатарына жатады.

Қадір түнінің маңызы

Ислам ғалымдарының айтуынша, бұл түнде жасалған құлшылықтың сауабы өте үлкен. Сондықтан мұсылмандар бұл түнді бос өткізбей, дұға, намаз және ізгі амалдармен өткізуге тырысады.

Айта кетелік, 16 наурыздан 17-не қараған түн – Қадір түні. 20 наурыз – Ораза айт мерекесі тойланады. Айлардың сұлтаны Рамазан айы 2026 жылы 19 наурызға дейін жалғасады.